Shqipëria do të dërgojë 22 ushtarakë në mision në detin Egje. Lajmin e dha ministri i Mbrojtjes, Niko Peleshi, teksa shpalli vendimet e marra sot në Këshillin e Ministrave.
Peleshi tha se janë ofruar të dërgojnë më shumë se 100 ushtarakë në Rumani.
“Mision prej 22 ushtarakësh dhe një anije ‘Iliria’ në misionin e NATO-s në detin Egje. Pjesëmarrje e rëndësishme, ne jemi aktivë në KFOR, prezenca më e madhe në Kosovë, jemi në Bullgari me një togë, jemi ofruar për të dërguar më shumë se 100 ushtarakë në Rumani për të forcuar krahun lindor të NATO-s. Bëhen rreth 8 misione ku marrim pjesë në mënyrë aktive”, tha Peleshi.
Po ashtu, sot u mor vendimi për ngritjen një e Komiteti Shtetëror për festimet e 80 vjetorit të Çlirimit të Shqipërisë.
“U ra dakord, për ngritjen një e Komiteti Shtetëror për festimet e 80 vjetorit, do festohet në gjithë Shqipërinë. Do ketë një koordinim, nga Ministria përmes një komiteti shtetëror”, deklaroi Peleshi.