Një sulm me sende të forta ndaj një efektivi të Policisë së Shtetit është regjistruar pasditen e kësaj të enjteje në lagjen Kamen të Peshkopisë.
Autoritetet bëjnë me dije se personat me iniciale D.S., dhe S.S, janë përfshirë në konflikt dhe kanë goditur me sende të forta duke i shkaktuar dëmtime shtetasit M.K., i cili ka qenë duke hyrë në portën e banesës së tij.
Në sherr e sipër, punonjësi i policisë ka qëlluar në ajër me armë zjarri me qëllim ndalimin e mëtejshëm të sulmit ndaj tij, bën me dije zyra e shtypit e uniformave blu të Dibrës.
Njoftimi:
Dibër/informacion paraprak
Rreth orës 13.35, në lagjen Kamen, Peshkopi, shtetasit D.S., dhe S.S, janë përfshirë në konflikt dhe kanë goditur me sende të forta duke i shkaktuar dëmtime shtetasit M.K (punonjës policie me detyrë Specialist Zone) i cili ka qenë duke hyrë në portën e banesës së tij. Punonjësi i Policisë i ndodhur në rrezik për jetën, dyshohet se ka qëlluar në ajër me armë zjarri me qëllim ndalimin e mëtejshëm të sulmit ndaj tij. Grupi hetimor nën drejtimin e Prokurorisë vijon punën për zbardhjen e shkaqeve të ngjarjes dhe kapjen e shoqërimin në Komisariat të autorëve të përfshirë në konflikt.
