Të paktën gjashtë persona janë vrarë nga tornadot në Alabama, në SHBA sipas zyrtarëve lokalë, të cilët thonë se “ende janë në kërkim të trupave”.
Mbi 35 tornado u raportuan nga Shërbimet Kombëtare të Motit në të gjithë jugun e SHBA duke vënë në rrezik më shumë se 30 milionë njerëz. Stuhitë kanë shkaktuar ndërprerje të energjisë elektrike për mijëra njerëz në katër shtete.
Guvernatorët e Alabamës dhe Gjeorgjisë kanë deklaruar gjendjen e jashtëzakonshme. Erërat e forta kanë shkaktuar gjithashtu dëme të mëdha strukturore në ndërtesat në Xhorxha dhe Misisipi.
Ndërkohë në anën e kundërt të vendit, Kalifornia është goditur nga një seri stuhish të forta që kanë shkaktuar përmbytje, rrëshqitje dheu dhe ndërprerje të energjisë elektrike. Të paktën 18 persona kanë vdekur atje për shkak të motit të keq.