Një nga tre shqiptarët e dhunuar në Herceg Novi të Malit të Zi, Doris Kopaci, ka folur për mediat pas incidentit.
Kopaci ka treguar se nuk i kanë provokuar personat që i kanë dhunuar, por kanë qenë dhunuesit ata të cilët i kanë ndaluar në rrugë duke i sulmuar.
Sipas Kopacit, dhunuesit i kanë goditur me sende t5ë forta në trup dhe në kokë. Ai thotë se ka marrë vetëm dy goditje, ndërsa dy shokët e tij janë lënduar më shumë.
Kopaci shton se në momentin që janë dhunuar nuk kanë mundur t’iu kundërpërgjigjen agresorëve. Pasi janë mjekuar, të tre janë kthyer në Shqipëri.
Policia ka arrestuar 5 nga personat e dyshuar si përgjegjës për dhunën ndaj shqiptarëve, ndërsa dy të tjerë janë në kërkim.