Reshjet e shiut të shtuara ndjeshëm gjatë mesnatës, kanë krijuar një situatë problematike në disa rrugë të qytetit të Durrësit. Një pjesë e rrugëve janë përmbytur duke krijuar probleme në lëvizjen e këmbësorëve, por edhe në qarkullimin e automjeteve.
Situata më problematike është shfaqur në rrugën e Currilave, në lagjen numër 1, në lagjen 18, rrugën “Aleksandër Goga”si dhe në zonën e Shkozetit, lagjja numër 14. Pavarësisht prezencës së madhe të uji në rrugë, nuk janë krijuar probleme në biznese apo shtëpi banimi.