Ministrja e Arsimit dhe Sportit, Evis Kushi përmes një postimi në rrjete sociale bëri të ditur se të gjithë ata prindër që nuk kanë arritur të regjistrojnë fëmijët në klasat e para dhe të dhjeta gjatë fazës së parë përmes sistemit e-Albania, e kanë këtë mundësi nga datat 21 gusht deri më 1 shtator.
Përmes një postimi në Facebook, Kushi kujton se të gjithë prindërit që mendojnë se fëmijët e tyre, edhe pse ende nuk i kanë mbushur 6 vjeç e kanë tashmë zhvillimin dhe përgatitjen e duhur, si dhe kanë dëshirë t’i regjistrojnë ata në klasë të parë, janë të ftuar të aplikojnë në sistemin e-Albania në këto data.