Një ngjarje e rëndë ka ndodhur sot në Tiranë, ku një 57-vjeçar ka humbur jetën pasi ka rënë në gropën e ashensorit të një pallati.
Sipas informacioneve të policisë, ngjarja ka ndodhur rreth mesditës në rrugën “Aleksandër Moisiu” e mësohet se i ndjeri ishte nën efektin e alkoolit.
“Më datë 02.05.2024, rreth orës 12:50, në rrugën “Aleksandër Moisiu”, shtetasi I. I., 57 vjeç, dyshohet se, duke qenë në gjendje të dehur, ka rënë në gropën e ashensorit të një pallati dhe si pasojë e dëmtimeve të marra ka humbur jetën.Grupi hetimor po punon për sqarimin e rrethanave të ngjarjes“, thuhet në njoftimin zyrtar të bluve.