Policëve u është dashur të shkojnë me barkë herët në mëngjes, në fshatin Baks të Velipojës aty ku kultivuesit kishin ngritur sera dhe kultivonin bimën narkotike kanabis. Serat ishin ngritur pranë njëra-tjetrës dhe dy të rinj, fshatarë të zonës kujdeseshin për ta. Në pranga ranë Oraldo Jaku 33 vjeç dhe Luigj Shenja 28 vjeç.
Policia kishte pasur indicie për serat me kanabis ku ishin kultivuar 270 bimë kanabis. Pas disa javësh hetime proaktive dhe monitorim me dron i lëvizjeve të autorëve ndërmori operacionin e koduar “Baks2”.