“Nëse Beogradit i bëhet e ditur se duhet të vendosë mes Moskës dhe Brukselit dhe se BE-ja ofron më shumë se një perspektivë të errët pranimi, presidenti serb Vuçiç nuk do të hezitojë për asnjë moment”, shkruan Noye Zircher Zeitung zvicerane. Moska reagon me kërcënime ndaj indikacioneve se Beogradi po rishikon politikën e tij ndaj Rusisë”, shkruan gazeta zvicerane Neue Zircher Zeitung për ngjarjet e ditëve të mëparshme.
Kujtojmë se në javën e kaluar, zëvendësministri rus Aleksandar Grushko tha në Beograd se vendosja e sanksioneve kundër Rusisë do të ishte “vetëvrasje”, sepse shihet se vendet që vendosin sanksione kërcënohen nga një krizë energjetike dhe një rritje të çmimit të ushqimit. Pas kësaj nuk qëndron një ndryshim në drejtimin e Beogradit, shkruan gazeta, por presioni i Brukselit ndaj këtij vendi kandidat për t’iu bashkuar linjës së politikës së jashtme të BE-së. Kjo mund të ndalojë politikën serbe të luhatjes mes Lindjes dhe Perëndimit, e cila ka vazhduar që nga përfundimi i luftërave jugosllave”. “Vendet e BE-së janë partnerët dhe investitorët më të rëndësishëm tregtarë për Serbinë, gazi vjen nga Rusia me një zbritje dhe Kina ndërton ura dhe drejton miniera.”
Nga të tre partnerët, ushtria serbe furnizon me armë arsenalin e saj gjithnjë në rritje. Por tani konflikti i mprehtë midis Perëndimit dhe Rusisë po ngushton hapësirën e manovrimit të Beogradit”, thuhet në artikullin e nënshkruar nga ish-korrespondenti prej kohësh i Beogradit, Andreas Ernst. “Kështu, vendi është izoluar në Evropë dhe, si Hungaria fqinje, shihet në Bruksel dhe gjetkë si një element rebel”, shkruan një gazetë e respektuar zvicerane, cituar nga Deutsche Welle.