Oficerët e Policisë Gjyqësore kanë zbritur sërish në terren dhe po sekuestrojnë pronat e Jamarbër Malltezit, i cili është në burg për privatizimin e ish-kompleksit Partizani. OPGJ ka mbërritur ditën e sotme në ambientet e ish-kompleksit Partizani, ose siç tashmë quhet kompleksi ‘Magnet’.
Në total janë 16 pasuri të paluajtshme në emër të Jamarbër Malltezit që do të sekuestrohen. Sipas vendimit të Gjykatës, i sekuestrohen 6 llogari bankare, në euro, dollarë dhe lekë. Sipas vendimit të Gjykatës, janë prekur edhe kompanitë ku ai rezulton pronar.
Sanksionet kanë prekur edhe kompanitë që ai rezulton si pronar. Më konkretisht janë sekuestruar 45% të aksioneve të kompanisë “Home Plan”, 100% të aksioneve të shoqërisë “Magnet IMO” dhe 60% të kuotave të shoqërisë “Magnet Gym and Fit”.
Malltezi akuzohet për “Korrupsionit pasiv të funksionarëve të lartë” dhe “Pastrimi i produkteve të veprës penale apo veprimtarisë kriminale”.