Situata e përmbytjeve duket se është drejt normalizimit në tre qytetet më problematike në këto ditët e fundit, në Lezhë, Shkodër dhe në Durrës. Sipas njoftime të bashkive përkatëse, situata ndodhet nën kontroll dhe niveli i ujit ka filluar që të bie.
Në Shkodër ndodhen nën pushtetin e ujit 1685 hektarë tokë dhe janë evakuuar 26 familje. 5 banesa kanë prezencë uji në oborre dhe në brendësi. Bashkia Shkodër thekson se është në gatishmëri me të gjitha kapacitetet e veta njerëzore, logjistike dhe akomoduese për t’i ardhur në ndihmë popullatës së rrezikuar nga përmbytjet e shkaktuara nga reshjet e shiut dhe shkarkimet e hidrocentraleve.
Në Lezhë ndodhen nën pushtetin e ujit 1300 hektarë tokë, përkatësisht 500 hektarë sipërfaqe toke të përmbytura në fshatin Torovicë, njësia administrative Balldre dhe 800 hektarë në njësinë administrative Dajç dhe Blinisht. Në fshatin Kakarriq vazhdon të ketë prezencë uji në 4 banesa edhe pse niveli po vazhdon të ulet. Sipas Bashkisë, problematike mbetet rruga që lidh fshatin Blinisht me aksin Lezhë-Shkodër e cila vijon të jetë e pakalueshme.
Sa i përket Fushë-Krujës duket se ka ende toka dhe disa banesa që ndodhen nën pushtetin e ujit. Lumi Ishëm që doli ditën e djeshme nga shtati duke përmbytur vendin ende i ka prurjet e larta por ndodhet në shtatin e saj dhe për momentin nuk përbën asnjë rrezik për përmbytje.
Sipas metereologëve veriu i vendit sot nuk rrezikon për shkak se reshjet pritet që të zhvendosen në pjesën jugore. Ditën e mërkurë reshjet do të rikthehen sërish në veri të Shqipërisë duke ngritur sërish kështu alarmi për përmbytje të tjera të mundshme.