Personazhi i famshëm i Tik-Tok, Kozak Braçi është shoqëruar ditën e sotme në ambientet e policisë së Tiranës ku po merret në pyetje nga efektivët e policisë lidhur me një video që qarkullon së fundmi në rrjetet sociale.
Në video, Kozak Braçi shfaqet duke konsumuar kokainë dhe më pas luan me një pistoletë me mulli lojën ‘ruleta ruse’. Në pamje duket qartë pistoketa dhe plumbi brenda saj por fatmirësisht arma nuk e shkrep duke shmangur një tragjedi.
Ruleta ruse njihet si një lojë vdekjeprurëse në të cilën personat që marrin pjesë rrezikojnë të humbin jetën, vetëm nëse i shpëton fati. Kujtojmë se në dhjetor të vitit të kaluar, makina e Kozak Braçit me vlerë 50 mijë euro u gjet e shkrumbuar poshtë pallatit ku banonte, ngjarje për të cilën rezultoi të kishte dhënë urdhër një tjetër reper.
Kozak Braçi bëhet i dyti personazh Tik Toku i cili shoqërohet në komisariat në një kohë shumë të shkurtër. Disa ditë më parë u arrestua Altin Çoku i cili ishte shkaktar që një 27-vjeçare vrau veten pasi ai i kishte publikuar foto intime në Tik Tok.
