Agjencia e Mbikëqyrjes Policore (AMP) ka reaguar për ABC në lidhje me Nënkomisaren e Policisë së Elbasanit, Anisa Kostani, e cila shpërtheu ditën e djeshme në rrjetet sociale me komente ofenduese ndaj gazetarëve.
Pyetjes nëse ka nisur një një verifikim apo hetim për Anisa Kostanin, e cila në rrjetet e saj sociale përdori fjalor fyes ndaj gazetarëve. AMP është përgjigjur se ka filluar procedurën e hetimit të thelluar administrativ për Anisa Kostanin.
Reagimi i polices, e njohur për publikun më shumë për gjarprin që mban në shtëpi, erdhi pas vrasjes së mbrëmjes së 17 gushtit në Elbasan ku mbeti i vdekur 33-vjeçari Madrit Ulqinaku.
Autori i dyshuar i vrasjes, 18-vjeçari Horgito Peqini iku në drejtim të paditur duke mos u kapur nga policia, megjithatë sipas Kostanit ky nuk është një detaj që duhet marrë parasysh, pasi blutë e këtij qyteti janë duke bërë një punë të shkëlqyer, të cilën “vetëm “qorrat” dhe ata që i kanë marrë “provimet nga profesora Don Zhuanë” nuk e shohin”.
Policja e famshme shkon deri aty madje sa hedh dyshime mbi mënyrën se si e kanë marrë diplomën gazetaret. Sipas saj, ata që shkruajnë keq për Policinë e Elbasanit e kanë marrë provimin prej “profesorave Don Zhuanë”.
