Një asteroid i vogël – 3.5 deri në 8.5 metra në diametër – parashikohet të kalojë afër Tokës ditën e sotme, por ora nuk dihet konkretisht. Ky është një nga asteroidët më të afërt të regjistruar ndonjëherë, në një distancë të vlerësuar prej vetëm 3,600 kilometrash nga sipërfaqja e planetit tonë, sipas Agjencia Amerikane e Hapësirës (NASA).
Asteroidi “2023 BU” do të kalojë pak mbi majën jugore të Amerikës së Jugut. NASA tregon se ai nuk përbën rrezik pasi edhe nëse bie në planetin tonë, pritet të zhduket në një masë të madhe gjatë fërkimit të saj me atmosferën e Tokës.
Asteroidi u zbulua të shtunën e kaluar nga astronomi amator Gennady Borisov nga Krimea, i cili gjithashtu kishte zbuluar kometën ndëryjore 2I/Borisov në vitin 2019. Kjo u pasua nga vëzhgimet e “BU 2023” nga dhjetra observatorë të tjerë anembanë botës.
Analiza përfundimtare e të dhënave të saj orbitale u bë nga Qendra për Studime të Objekteve pranë Tokës (CNEOS) në Laboratorin Jet Propulsion të NASA-s (JPL) në Kaliforni.
Studiuesit amerikanë parashikuan se asteroidi do të kalonte në mënyrë të pazakontë pranë Tokës. Në fakt, për shkak se do të afrohet kaq shumë, graviteti i planetit tonë do të ndryshojë drejtimin e tij, duke rezultuar në një orbitë ovale rreth Diellit çdo 425 ditë, në vend të 359 deri më sot.