Diana Bahçja, gruaja lehonë që u arrestua 8 ditë më parë për shkak të një gjobe që iu konvertua në burg, u lirua me vendim të Gjykatës së Tiranës këtë të premte. Duke qenë se ka bërë 10 vite burg ajo do duhet të paguajë jo më 250 mijë lekë, por 200 mijë lekë.
Rasti i saj preku zemra e të gjithë shqiptarëve pasi për shkak të burgut e ndanë nga foshnja disa ditëshe. Diana rrëfeu se nuk ka qenë aspak në dijeni të dënimit, teksa ka folur edhe për vajzën e parë që akuzohet se e ka braktisur. Ajo tha se vajzën e saj 5-vjeçare nuk e ka takuar pasi nuk është lejuar dhe se nuk kishte dijeni për gjobën.
Diana u dënua për braktisjen e fëmijës nga martesa e parë, por bashkëshorti i saj, Naim Bahçja pretendon se është detyruar të largohet pasi ish-bashkëshorti e dhunonte dhe nuk e lejonte të takonte vajzën.