Kreu i agjencisë gjermane të inteligjencës, Thomas Haldenwang, paralajmëroi të hënën për rritjen e ekstremizmit anti-qeveritar të nxitur nga shtete autoritare si Rusia, që kërkojnë të ndajnë shoqërinë dhe të rrëzojnë qeverinë.
Sipas tij, agjencitë gjermane të sigurisë kanë prishur disa komplote gjatë viteve të fundit nga grupe të vogla të lidhura me lëvizjet e akuzuara për planifikimin e sulmeve në infrastrukturën kritike, zyrtarë qeveritarë dhe madje edhe parlamentin kombëtar.
Megjithëse mbetet e paqartë se në cilën fazë janë planet, autoritetet janë të shqetësuara se komplotistët e dyshuar kanë marrë armë dhe kanë përfshirë njerëz të tillë si gjyqtarë dhe oficerë policie, të cilët zakonisht nuk janë në radarët e shërbimeve të sigurisë.
Ai tha se ekstremistët anti-qeveritar me vetëdije nxisin frikë në shoqëri dhe rekrutojnë aktivisht ndjekës të rinj.
Sipas tij, tendenca të tilla inkurajohen në mënyrë aktive nga vende si Rusia, e cila ka interes të destabilizojë demokracinë në ekonominë më të madhe evropiane.
“Kur ata kuptojnë se ka ndjenja në vend që mund të çojnë në ndarje, atëherë ata inkurajojnë ndjenja të tilla. Ne shohim se ata po marrin një sërë masash në këtë drejtim”, tha Haldenwang.