Kroacia është skuadra e parë që kalon në gjysmëfinalen e Kupës së Botës, Katar 2022. Skuadra ballkanase eliminoi Brazilin pas gjuajtjes së 11 metërshave (4-2), pasi koha e rregullt dhe ajo e 30 minutave shtesë kishin përfunduar në barazim (0-0, 1-1).
Në gjysmëfinale skuadra e Zlato Dalic do të takohet me fituesin e çiftit Holandë – Argjentinë.
Goli i parë i takimit u shënua nga Neymar në minutën e parë shtesë të pjesës së parë të kohës shtesë. Ndërsa kroatët do të barazonin në minutën e 116 me anë të Bruno Petkovic.
