Durrësi, si shumica e qyteteve të tjera në vend është përfshirë nga moti i keq gjatë 24 orëve të fundit. Stuhia detare dhe era e fortë ka vazhduar gjatë gjithë natës e për këtë arsye është anuluar edhe lundrimi në det i trageteve dhe gjithashtu edhe i anijeve të vogla.
Tragetet që duhet të niseshin mbrëmjen e djeshme drejt Barit, nuk kanë realizuar dot nisjen për shkak të erës së fortë në det. Sipas Kapitenerisë së Portit të Durrësit do të tentohet që tragetet të nisen gjatë mëngjesit të sotëm. Ndërsa nga Bari janë nisur dy tragete dhe pritet të mbërrijnë në Portin e Durrësit. Vijon të mbetet i ndaluar edhe lundrimi i peshkarexhave.