Shkrumbohet gjatë natës, makina e personazhit të njohur të rrjeteve sociale Kozak Braçi. Sipas policisë, ngjarja ka ndodhur rreth orës 02:50 minuta të mëngjesit të të shtunës dhe si pasojë ka vetëm dëme materiale.
Për ngjarjen ka reaguar edhe vetë 30-vjeçari Braçi, i cili shfaqet pranë makinës së shkrumbuar tërësisht nga flakët. Sipas tij nga djegia e automjetit janë trembur familjarët dhe se ai nuk ka probleme me njeri dhe prandaj e parkonte makinën në rrugë.
Braçi gjithashtu është shprehur se është e disa herë që i ndodhin ngjarje të tilla dhe po nuk e gjeti shteti autorin e djegies së makinës, atëherë do ta gjejë vetë me njerëzit e tij.