Një gjykatë në Pekin e dënoi këngëtarin kanadez Kris Wu të premten me 13 vjet burg pasi e shpalli fajtor për krime, përfshirë përdhunimin, pak më shumë se një vit pas arrestimit të tij në Kinë, ku ai lindi dhe ndërtoi një karrierë fitimprurëse.
Gjykata në rrethin e Chaoyang tha se hetimi tregoi se nga nëntori deri në dhjetor 2020, 32-vjeçari, i cili njihet edhe si Wu Yifan, kishte përdhunuar tre gra.
Një ish-anëtar i grupit K-pop EXO, superylli u kthye në Kinë në vitin 2014 për të ndjekur një karrierë solo.
Wu u arrestua më 31 korrik të vitit të kaluar pasi një studente 18-vjeçare kineze e akuzoi publikisht se e kishte shtyrë atë dhe vajza të tjera, disa prej tyre më të reja se 18 vjeç, të kryenin marrëdhënie seksuale me të.
Gjykata gjithashtu e shpalli atë fajtor për krimin e grumbullimit të një turme për t’u përfshirë në shthurje seksuale në korrik 2018, tha ajo.
Ai gjithashtu u urdhërua të paguante 600 milionë juanë (83.77 milionë dollarë) për fshehjen e të ardhurave personale dhe shkelje të tjera të lidhura me taksat, tha byroja e taksave.
