Një ngjarje e rëndë është regjistruar mëngjesin e sotëm!
Këtë të hënë është rrafshuar me tritol një prej hoteleve më të vjetra në qendër të qytetit të dy ortakëve Spiro Çabiri dhe Dhimitër Evangjeliu.
Bëhet fjalë për hotel ‘Bizanti’. Mendohet se ngjarja është e qëllimshme sepse 2 ortakët janë në proces gjyqësor me njëri-tjetrin për pronësinë që prej vitit 2002.
“Sarandë/Informacion paraprak.
Rreth orës 05:55, në lagjen nr.1, Sarandë, në një hotel dy-katësh i ndërtuar që prej vitit 1996, në pronësi të shtetasve S. Ç., dhe E. Dh., ka shpërthyer një sasi lënde, e dyshuar eksplozive, ku si pasojë ndërtesa është rrëzuar dhe janë shkaktuar dëmtime të fasadave të objekteve në afërsi të objektit të rrëzuar.
Nga shpërthimi nuk ka asnjë person të lënduar.
Shërbimet e policisë kanë shkuar menjëherë në vendngjarje dhe vijojnë kontrollet në zonë për kapjen e autorit/ve.
Menjëherë është ngritur një grupi i posaçëm hetimor me ekspertë më të mirë të DVP Vlorë dhe nga Departamenti i Policisë Kriminale dhe nën drejtimin e Prokurorisë vijon puna për zbardhjen e ngjarjes”, njofton policia.
