Një gjyqtare kolumbiane e njohur për ndarjen e fotove epshndjellëse në faqen e saj në Instagram është pezulluar për tre muaj pasi u shfaq në një takim virtual të Zoom ndërsa ishte gjysmë e zhveshur dhe pinte një cigare në shtrat.
Në një klip prej 33 sekondash që qarkullon në rrjetet sociale, gjyqtarja 34-vjeçare Vivian Polanía mund të shihet duke u shtrirë në shtrat, gjysmë e veshur teksa tymoste një cigare.
Në një moment të seancës, një prokuror i thotë Polanías se kamera e saj është ndezur dhe ajo e fik menjëherë ndërsa seanca vazhdon, raportojnë mediat lokale.
Seanca virtuale e gjykatës u përqendrua rreth debateve nëse një njeri i akuzuar për një bombë në makinë në vitin 2021 duhet të lirohet me kusht.
Një nga avokatët në thirrje raportoi për parregullsinë e pretenduar të Polanías në Komisionin Kombëtar të Etikës Gjyqësore të Kolumbisë.
Komisioni tha në një vendim me shkrim se pezullimi i Polanías do të mbetet në fuqi deri në shkurt 2023, raportoi gazeta në gjuhën spanjolle Infobae.
