Një tjetër ngjarje e mbylljes së bashkëshortes në banesë dhe monitorimi i saj me kamera ka ndodhur në Tiranë. Policia ka vënë në pranga ditën e sotme 34-vjeçari Asqeri Mandri. Ky i fundit kishte instaluar kamera në disa pjesë të banesës së tij në Kodër-Institut dhe mbikëqyrte çdo lëvizje të bashkëshortes së tij.
Blutë e Tiranës konfirmojnë se 34-vjeçari ushtronte dhunë sistematike ndaj gruas së tij. Konfirmohet se prej disa kohësh Mandri kishte ardhur nga Gjermania dhe dyshohet se vuante nga probleme të shëndetit mendor. Qëkur ishte kthyer nga Gjermania ai kishte shfaqur shenja dhune dhe kishte pajisur banesën me kamera.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.