26-vjeçari D.B., është plagosur me armë zjarri këtë mbrëmje në Fier nga një efektiv policie. Ngjarja ka ndodhur në qendër të qytetit. Sipas të dhënave paraprake dyshohet se i plagosuri është konfliktuar me një patrullë policie, e cila ndodhej në zonë për të bllokuar trafikun, për shkak të një koncerti që po zhvillohej në qendër.
26-vjeçari ka tentuar të thyejë perimetrin e sigurisë por nuk është lejuar. Autori ka dalë nga automjeti i tij dhe ka qëlluar efektin e policisë Sh.J., duke i shkaktuar dëme të mëdha në fytyrë dhe në gojë.
Efektivi me iniciale Sh.J., në kushtet e vetëmbrojtjes ka nxjerrë armën e shërbimit dhe ka qëlluar në këmbë 26-vjeçarin. Efektivi ndodhet në spital për të marrë ndihmën mjekësore dhe ndodhet jashtë rrezikut për jetën.
Autori i dyshuar pasi ka marrë mjekimin në spital, është shoqëruar në komisariat nga policia. Megjithatë për këtë ngjarje pritet të këtë një njoftim të Agjencisë së Mbikëqyrjes Policore.