Dy persona me origjinë shqiptare, përkatësisht të moshës 24 dhe 26 vjeç, të maskuar dhe të armatosur kanë grabitur pak pas orës 3 të mëngjesit një pikë lojërash fati në rrugën “Gounari” në Glifadha. Sipas burimeve policore, shqiptarët kanë kërcënuar me armë zjarri 44-vjeçaren punonjëse dhe pasi e kanë neutralizuar, kanë marrë paratë nga kasa dhe janë larguar me vrap.
Policia u njoftua menjëherë për ngjarjen dhe duke pasur në duar përshkrimin e mjetit me të cilin u arratisën autorët, arriti të gjejë vendndodhjen e tyre, raportojnë mediat greke. Disa orë më pas uniformat blu greke kanë bërë edhe arrestimin e shqiptarëve, identiteti i të cilëve ende nuk është bërë i ditur.