30 marsi është Dita Ndërkombëtare e Mjekut. Me rastin e kësaj dite, presidenti i Republikës Bajram Begaj uroi mjekët për punën e tyre të palodhur, në shërbim të qytetarëve.
Sipas tij, pandemia COVID-19, risolli në vëmendje madhështinë dhe përulësinë e misionit të mjekut. Për muaj me radhë, mjekët iu dedikuan pacientëve të sëmurë, duke i qëndruar besnikë “Betimit të Hipokratit” e duke mos pyetur për rrezikun që i kanosej atyre vetë apo familjarëve.”
Pavarësisht se kujtimet e pandemisë duken kujtim i së shkuarës Presidenti Begaj shkruan se, duhet të jetë një arsye më shumë, për të respektuar bluzat e bardha për profesionalizmin dhe përkushtimin e tyre.