Mesditën e sotme është çarë një tubi i gazit në një karburant në rrugën “Sadik Petrela”. Menjëherë në vendin e ngjarjes shkuan forcat e policisë, zjarrfikëses si dhe ambulancës. Policia evakuoi banorët dhe për çështje sigurie është bllokuar përkohësisht rruga e ‘Urës së Shkozës’ dhe perimetri që ka rrezikshmëri.
Sipas shefit të zjarrfikëses, ata janë lajmëruar sapo gazi ka nisur të rrjedhë dhe e kanë mbajtur autobotin nën kontroll me ftohje. Shefi i zjarrfikëses theksoi se në situatë e ngjashme ka ndodhur edhe 2 vite më parë me një karburant në zonën e Kombinatit.
Teknikët janë shprehur se situata është nën kontroll dhe se banorët do të kthehen shumë shpejt në banesat e tyre pasi rreziku është evituar.
Policia pritet të zbardh të gjitha detajet në lidhje me këtë ngjarje e cila mund të kishte rezultuar fatale për zonën e Shkozës dhe se do të ushtrojë kontrolle në të gjitha karburantet në mënyrë që raste të tilla të mos përsëriten sërish.