Parlamenti Evropian miratoi një ligj që ndalon importin e produkteve në Bashkimin Evropian që kontribuojnë në shpyllëzim.
Me 552 vota pro, 44 kundër dhe 43 abstenime, eurodeputetët miratuan një ligj të ri që lejon që produktet të shiten në BE vetëm nëse furnizuesi i produktit lëshon një certifikatë që konfirmon se produkti nuk vjen nga toka e shpyllëzuar dhe nuk ka shkaktuar shpyllëzim.
“Edhe pse importi i mallrave të caktuara ose nga një vend i caktuar nuk do të ndalohet, kompanitë do të lejohen të shesin produkte në tregun e BE-së vetëm nëse furnizuesi i produktit lëshon një ‘çertifikatë të kujdesit të duhur’, duke konfirmuar se produkti nuk e kanë origjinën nga toka e shpyllëzuar”, tha PE.
Për të luftuar ndryshimin e klimës dhe humbjen e biodiversitetit, rregullorja e re detyron kompanitë të sigurojnë që produktet që ata shesin në BE të mos çojnë në shpyllëzim dhe degradim të pyjeve, shtoi ai.
Kompanitë do të duhet gjithashtu të vërtetojnë se mallrat janë prodhuar në përputhje me legjislacionin e vendit, duke përfshirë respektimin e të drejtave të njeriut dhe mbrojtjen e popujve indigjenë.
Këshilli Evropian ende duhet të miratojë zyrtarisht tekstin, i cili më pas do të botohet në Gazetën Zyrtare të BE-së dhe do të hyjë në fuqi 20 ditë më vonë.
Kompanitë që falsifikojnë certifikatën ose nuk respektojnë rregullat e BE-së mund të përballen me gjobë deri në katër për qind të xhiros së tyre vjetore.
Vendet anëtare të BE-së ende nuk i kanë miratuar zyrtarisht ligjet.
Organizata e Kombeve të Bashkuara për Ushqimin dhe Bujqësinë (FAO) vlerëson se në periudhën nga viti 1990 deri në vitin 2020 janë pastruar rreth 420 milionë hektarë pyje për qëllime bujqësore, që është një sipërfaqe më e madhe se BE-ja.
Rreth 10 për qind e shpyllëzimit global është i lidhur me konsumin në BE.
Më shumë se dy të tretat e pyjeve janë pastruar nga soja dhe vaji i palmës.
