Vlera e plotë e investimeve që do të gjenerohen nga Strategjia e Partneritetit, e nënshkruar mes Bankës Botërore dhe qeverisë shqiptare, është 900 milionë euro.
Ai do të shpërndahet gjatë periudhës 2023-2027.
Katër projektet e reja që do të financohen nga Banka Botërore sipas kësaj strategjie variojnë nga ndërtimi i urave deri te bujqësia konkurruese, qeverisja online dhe financimi i politikave të zhvillimit të qëndrueshëm, riportano i media locali.
“Me këto investime, me këto katër projekte, Banka Botërore synon të përmirësojë jetën e qytetarëve shqiptarë që të mos e shohin emigracionin si opsionin e vetëm. Këto projekte nuk janë pa strategji”, thotë eksperti Mikel Qafa.
Strategjia synon nxitjen e punësimit dhe krijimin e vendeve të punës të denjë me qëllim shfrytëzimin më të mirë të kapitalit njerëzor, si dhe ngritjen e kapaciteteve të vendit në drejtim të mbrojtjes nga fatkeqësitë natyrore.
“Investimi në kapitalin njerëzor është vendimtar që ata të jenë jo vetëm konkurrues brenda vendit, por edhe jashtë tij”, thekson eksperti.
Banka Botërore synon të tërheqë investime të reja private në Shqipëri, duke ofruar gjithashtu mbështetje nëpërmjet Korporatës Financiare Ndërkombëtare, për përmirësimin e klimës së biznesit, zhvillimin e bursës dhe partneriteteve publike-private.
