Prokuroria e Posaçme (SPAK) ka kërkuar këtë të mërkurë burg përjetë për Redjan Rrajën, i cili akuzohet si ekzekutor në atentatin ndaj ish-prokurorit Arjan Ndoj, të ndodhur në vitin 2019.
Po ashtu SPAK ka kërkuar edhe 35 vite burg për Edjol Halilajn. Ky i fundit akuzohet si ndihmës, pasi sipas prokurorisë është personi që mori me makinë Rrajën pas atentatit. Aktualisht Redjan Rraja ndodhet prapa hekurave pasi u arrestua pikërisht për këtë ngjarje të rëndë të ndodhur në vitin 2019, ndërsa para togave të zeza, ai ka mohuar çdo akuzë që e përfshin në këtë atentat.
Ngjarja ndodhi nëntorin e 2019-s pranë mbikalimit të Shkozetit, në aksin rrugor Durrës-Tiranë. Nga atentati mbeti i plagosur prokurori Arjan Ndoja, miku i tij Aleksandër Laho, i njohur si “Rumi i Shijakut”, si dhe shoferi Andi Maloku, i cili ndërroi jetë pas disa ditësh në spital.