Ish-kryeministri Sali Berisha, i cili ndodhet nën hetim për privatizimin e ish-kompleksit ‘Partizani’ do të vijojë të qëndrojë në masën e ‘arrestit në shtëpi’. Gjyqtarja e Apelit të GJKKO-së, Ilirjana Olldashi rrëzoi ankimin e Berishës i cili kërkonte lirinë.
Menjëherë pas dhënies së vendimit nga ana e Apelit të GJKKO-së, avokati i Berishës, Gjokutaj është shprehur se me vendimin e dhënë është vërtetuar edhe njëherë qëllimi politik i procesit që mban të mbyllur Sali Berishën pasi politika kërkon që ta mbajë të izoluar.
Avokati Gjokutaj ka lajmëruar se vendimin e sotëm të Apelit të GJKKO-së do ta rekursojnë në Gjykatën e Lartë.