Kryeministri i Kosovës, Albin Kurti ka thënë se rasti i Aleksandar Vulinit në Serbi tregon se “përzierja helmuese e autokracisë dhe korrupsionit” rrezikon paqen e sigurinë e rajonit.
Përmes një postimi në llogarinë e tij në Twitter, Kurti i ka bërë thirrje komunitetit ndërkombëtar evropian të ndjekë vendimin e SHBA-së për të sanksionuar zyrtarin serb.
Postimi i Albin Kurtit në Twitter:
“Rasti i Aleksandar Vulinit tregon se përzierja helmuese e autokracisë dhe korrupsionit rrezikon jo vetëm demokracinë dhe sundimin e ligjit, por edhe paqen dhe sigurinë në Ballkanin Perëndimor dhe më gjerë.”
Shtetet e Bashkuara të Amerikës e kanë futur në listën e tyre të zezë drejtorin e Agjencisë Shtetërore për Siguri në Serbi, Aleksandar Vulinin.