Policia ofron 30 mijë euro shpërblim për këdo që jep informacion që mund të çojnë në kapjen e autorit, i cili vendosi tritolin në shtëpinë e gjyqtarit të Shkodrës, Tonin Sterkaj. Shpërthimi ndodhi më datë 28 prill rreth orës 03:00 të mëngjesit dhe shkaktoi dëme të shumta materiale.
Për kapjen e autorit, policia ka vendosur në dispozicion të qytetarëve numrin e telefonit 069 41 05 436 dhe i garanton qytetarëve anonimat të plotë. Dyshohet se shpërthimi ka ndodhur për shkak të detyrës që mban Sterkaj i cili është gjyqtar në Gjykatën e Shkallës së Parë të Juridiksionit të Përgjithshëm Shkodër.