Ka zgjatur vetëm 7 minuta seanca e sotme plenare, pasi opozita vijoi me skenarin e kaosit të zhurmueseve.
Flamur Noka ka vijuar aksionin duke u përplasur me gardistin që tentoi ta ndalonte për të shkuar tek deputeti Vullnet Sina i cili po fliste nga karrigia e tij.
Nga momentet e fokusuara, duket që Flamur Noka ngjesh grushtin me zhurmuesin në fytyrën e gardistit.
Më pas Noka është afruar tek tek Vullnet Sina dhe i ka ndërprerë fjalën deputetit socialist, duke përdorur bilbil në mikrofonin e tij teksa ky i fundit po mbajte fjalim lidhur me problematikat e qytetarëve të evidentuara në terren.
Në kët kushte kryetarja e Parlamentit njoftoi mbylljen e seancës.
“Njerëzit duan të dëgjojnë për hallet e shqetësimet e tyre, jo hallet tuaja” tha Nikolla.
Ndërkohë deputetët e opozitës mbanin pankarta në duar.