Operacioni policor i koduar “Margegaj” është finalizuar me sukses. Policia ka arritur të parandaloj një ngjarje të mundshme kriminale, duke arrestuar në flagrancë një 51-vjeçar me inicialet G.B, banues në Margegaj të Tropojës, pasi plagosi me mjet prerës fqinjin e tij H.B., 61 vjeç për motive pronësie.
Në banesën e të arrestuarit u gjetën dhe u sekuestruan 1 armë zjarri mitraloz, 2 armë zjarri automatik, 2420 fishekë dhe 5 uniforma ushtarake.
Armët e sekuestruara do të dërgohen në Institutin e Policisë Shkencore, për ekzaminime të mëtejshme, për të parë nëse janë përdorur ose jo në ngjarje kriminale të ndodhura më parë.