Këmbësori 70-vjeçar me inicialet I.H., i cili ka tentuar të kalojë trafik-ndarësen e autostradës Durrës-Tiranë është përplasur nga një kamionçinë në lëvizje. Si pasojë e përplasjes këmbësori ka marrë dëmtime në trup, duke u dërguar në urgjencën e Durrësit.
Policia sqaron se drejtuesi i automjetit G.Xh., 21 vjeç ka mundur të frenojë në kohë por pa mundur të shmangë goditjen e këmbësorit 70-vjeçar. Ky i fundit ndodhet në spital nën kujdesin e mjekëve. Nga ana e policisë vijon puna për sqarimin e plotë të rrethanave, ku paraprakisht thuhet se shkak është bërë pakujdesia e këmbësorit teksa po kalonte autostradën nga njëra anë në tjetrën.