Një ngjarje tragjike ka ndodhur mëngjesin e ditës së sotme në fshatin Mallkuç të Krujës ku një i moshuar ka përplasur me makinë mbesën e tij 2-vjeçe e gjysmë, e cila raportohet nga uniformat e bardha se ka ndërruar jetë në spital pasi nuk ka mundur që t’iu shpëtojë plagëve të marra.
Aksidenti fatal ka ndodhur gjatë momentit kur gjyshi i të miturës po ecte mbrapsht me makinë në oborrin e shtëpisë dhe nuk e ka parë mbesën që ka dalë pas makinës. Policia ka shoqëruar në polici shtetasin Martin Kaçi dhe po punon për zbardhjen e plotë që ngjarjes së rëndë.