Agjencia Kombëtare e Shoqërisë së Informacionit (AKSHI) ka njoftuar se duke nisur nga ora 20:00 e ditës së nesërme (2 shkurt) e deri të dielën në datën 4 shkurt, ora 10:00, portali ‘e-Albania’ do të jetë jashtë funksionit.
Shkak për ndërprerjen e përkohshme të shërbimeve online do të janë ndërhyrjet që po bëhen për përmirësimin e mëtejshëm të shërbimeve digjitale për qytetarët dhe bizneset.
Pas rikthimit të shërbimeve online, qytetarët do të mund të kryejnë identifikimin ne ‘e-Albania’ duke vendosur numrin e kartës së ID apo NIPT për bizneset dhe për fjalëkalim do të duhet të përdorin një kod 6 shifror njëpërdorimësh.
