Prokuroria e Posaçme ka sekuestruar pasuri me vlerë rreth 1 milionë euro që ishin në pronësi të Oltion Bistrit dhe familjarëve të tij. Sipas njoftimit të SPAK, që nga viti 2015 Oltion Bistri dhe familjarët e të afërmit e tij kanë kryer transaksione të dyshimta për shitje dhe blerje pasurish të paluajtshme.
SPAK ka vendosur të sekuestrojë sipërfaqe ndërtimore e llojit apartament, me sipërfaqe totale të apartamentit përfshirë edhe sipërfaqet e përbashkëta 400 (katërqind) metra katror, me një çmim në total prej 200 000 (dyqind mijë) Euro, e ndodhur në Tiranë.
Sipërfaqe ndërtimore e llojit apartament, me sipërfaqe totale të apartamentit përfshirë edhe sipërfaqet e përbashkëta 400 (katërqind) metra katror, me një çmim në total prej 200 000 (dyqind mijë) Euro e ndodhur në Tiranë. Njësia dyqan me sipërfaqe ndërtimore 125 (njëqind e njëzet e pesë) metra katror, me një çmim në total prej 300 000 (treqind mijë) Euro e ndodhur në Tiranë. Njësia dyqan me sipërfaqe ndërtimore 95 (nëntëdhjetë e pesë) metra katror, me një çmim në total prej 230 000 (dyqind e tridhjetë mijë) Euro e ndodhur në Tiranë. Sipërfaqe ndërtimore e llojit apartament banimi, me sipërfaqe totale 110.6 m2, me çmim shitje 50 300 Euro e ndodhur në Tiranë.
Ish-shefi i Operacionales, Bistri u arrestua në mega-operacionin ‘Metamorfoza’ të SPAK dhe akuzohet për nxjerrje të sekretit hetimor dhe shpërdorim detyre.