4 persona janë arrestuar në Tiranë pasi janë kapur në flagrancë pasi po shkëmbenin lëndë narkotike në parkingun e qendrës tregtare TEG. Sipas njoftimit të policisë, në pranga kanë rëndë shtetasit Demokrat Dylgjeri, Haziz Zylfa, Vladimir Kani dhe Hyxhers Mete.
Policia ka sekuestruar 16.2 kg lëndë e dyshuar narkotike kanabis, 90 gramë lëndë e dyshuar narkotike kokainë, shuma parash dhe 5 celularë. Gjatë kontrollit të banesës së shtetasit Hyxhers Mete në Korçë, shërbimet e DVP Korçë gjetën dhe sekuestruan, sasi lënde të dyshuar narkotike kokainë.
Punohet për identifikimin e shtetasve të tjerë të implikuar në këtë veprimtari kriminale.
