Meta do t’i lejojë përdoruesit e saj në Bashkimin Evropian (BE) të shkëputin llogaritë e tyre në Facebook, Instagram dhe Messenger, si dhe shërbime të tjera Meta.
Për shembull, njerëzit do të jenë në gjendje të përdorin Instagram, Facebook Messenger, Facebook Marketplace dhe Facebook Gaming pa i lidhur me një llogari kryesore në Facebook. Por shkëputja e llogarive do të çojë në ulje të funksionalitetit, paralajmëroi Meta.
Për më tepër, përdoruesit e BE-së kanë mundësinë të përdorin Instagram dhe Facebook falas me reklama ose të abonohen për të ndaluar shikimin e reklamave.
Nëse njerëzit abonohen, informacioni i tyre nuk do të përdoret për shfaqjen e reklamave. Kjo zgjedhje ka hyrë në fuqi që nga nëntori 2023.
Meta ka përdorur informacione nga të gjitha shërbimet e saj të ndryshme për t’u treguar përdoruesve reklama të personalizuara dhe rekomandime për përmbajtjen.
