Ish-kryeministri Sali Berisha ndodhte në “arrest shtëpie” pasi Prokuroria e Posaçme ashpërsoi masën e sigurisë ndaj tij, në kuadër të hetimeve për privatizimin e ish-kompleksit Partizani.
Në një video të siguruar, duket një moment kur ish-kryeministri del në tarracë për t’u ajrosur.
Pavarësisht masës së arrestit, Berisha ka qenë aktiv në jetën politike. Mbështetës dhe simpatizantë të tij vijojnë protestat poshtë banesës së ish-kryeministrit, ndërsa ky i fundit iu flet nga ballkoni.
Ata kërkojnë lirimin e Berishës nga SPAK.
Ish-kryeministri akuzohet për veprat penale të “korrupsionit pasiv e aktiv të funksionarëve të lartë shtetërorë në bashkëpunim”, si dhe “pastrimi i produkteve të veprës penale apo veprimtarisë kriminale në bashkëpunim”, kryer nga funksionarë të lartë shtetërorë dhe persona të tjerë gjatë privatizimit të kompleksit sportiv Partizani.