Ditën e sotme vendi ynë do të jetë në ndikim të masave ajrore të paqëndrueshme. Moti parashikohet të jetë kryesisht i vranët. Reshje shiu që në orët e para të 24-orëshit, fillimisht në veriperëndim e gradualisht do të shtrihen edhe në pjesën tjetër. Reshjet pritet të kenë intensitet të lartë. Hera-herës do ketë reshje shiu në formën e shtrëngatave, shoqëruar me shkarkesa elektrike. Në zonën e Alpeve dhe verilindje në lartësinë mbi 700 metra dhe në juglindje në lartësinë mbi 800 metra në orët e pasdites dhe të mbrëmjes reshje bore me intensitet të ulët.
Era do të jetë nga kuadrati i jugut me shpejtësi mesatare deri në 8m/sek, e cila përgjatë vijës bregdetare dhe në momentin e zhvillimit të vranësirave fiton shpejtësi deri në 12m/sek. Valëzimi në dete pritet të jetë i forcës 2-4 ballë. Temperaturat parashikohen në zonat malore 5 deri 12°C, në zonat e ulëta 10 deri 17°C dhe në zonat bregdetare 13 deri 18°C.
