Është sekuestruar automjeti i përdorur nga Agim Gashi në vrasjen e Elton Javorit, tre ditë më parë.
Policia njofton se janë sekeustruar gjihashtu: 1 automjet tjetër, armë zjarri, armë gjahu, municion luftarak dhe sende të tjera të kundërligjshme, që do t’i shërbejnë hetimit.
Po ashtu, është proceduar në gjendje të lirë shtetasi R. P., 70 vjeç, pasi gjatë kontrollit në banesën e tij, në garazhin e mbyllur, u gjet dhe u sekuestrua automjeti tip “Benz”, i përdorur nga shtetasit Agim Gashi dhe Kreshnik Gashi gjatë vrasjes së 41-vjeçarit.
Nga këqyrja e këtij automjeti u gjet dhe u sekuestrua në cilësinë e provës materiale një gezhojë arme zjarri, ndërsa në banesë u gjend një fishek arme zjarri.
Gjithashtu, po në këtë garazh u gjet dhe u sekuestrua edhe një automjet tjetër tip “Benz”, i blinduar, në bagazhin e të cilit u gjet edhe një targë automjeti tjetër.
