Pezullimi i lundrimit u njoftua nga ana e Kapitenerisë së portit të Durrësit ka njoftuar për pezullimin e lundrimit pas situatës së përkeqësuar të kushteve hidrometeorologjike
Forca e detit deri në 8 ballë, me një lartësi dallge deri ne 3.5 metra ka ndikuar në pezullimin e lundrimit të trageteve që operojnë në linjën Durrës-Bari dhe anasjelltas përgjatë ditës së sotme.
Krahas trageteve është ndaluar edhe lundrimi i anijeve tregtare si dhe flota e peshkimit që operon përgjatë bregdetit shqiptar deri në një urdhër të dytë. Ekuipazhi i mjeteve lundruese është njoftuar që të marrin masa për sigurimin e tyre me qëllim shmangien e situatave dhe incidenteve detare përgjatë 48 orëve të fundit.
E vetmja linjë që nuk paraqet probleme në lundrim mbetet ajo drejt Ankonës, ku tragetet do të operojnë normalisht.
