Kryeministri i Kosovës Albin Kurti ka rënë dakord që plani i emisarëve perëndimorë të jetë kornizë për bisedimet e mëtejshme me Shtetet e Bashkuara, Gjermaninë, Francën dhe Italinë.
Qeveria e Kosovës ka konfirmuar pjesëmarrjen e Kurtit në takimet e 26 tetorit në Bruksel. Kurti dhe Aleksandër Vuçiç do të zhvillojnë takime “kokë më kokë” me presidentin e Francës, Emmanuel Macron, kryeministren e Italisë, Giorgia Meloni, kancelarin e Gjermanisë, Olaf Scholz, dhe shefin e politikës së jashtme të Bashkimit Evropian, Josep Borrell.
Ata janë ftuar në Bruksel katër ditë pasi emisarët perëndimorë i kanë kërkuar Kosovës dhe Serbisë që të normalizojnë marrëdhëniet mes tyre.