Presidenti Bajram Begaj ka dekretuar ditën e sotme datën 24 shtator për të zhvilluar zgjedhjet për kryetarin e ri të Bashkisë së Kukësit. Këshilli i Ministrave çoi vakancën në presidencë, 2 muaj pasi shkarkoi Safet Gjicin, i cili u përfshi në një skandal seksual në zyrën e tij.
Pas publikimit të videos, Gjici u arrestua për korrupsion pasiv, pasi përveç aktit seksual, dyshohet se ka favorizuar 40-vjeçaren Alma Kaçi me një projekt për strehimin dhe kujdesin e qenve endacakë në Kukës.