Në mbledhjen e Kuvendit të ditës së sotme, Grupi Parlamentar i Partisë Demokratike ka kërkuar ndërrimin e rendit të ditës dhe të diskutohet shkarkimi i Ahmetajt dhe të mos pritet dita e hënë. Kreu i grupit të Partisë Demokratike, Gazment Bardhi ka kërkuar që Rama të jetë prezent në seancën plenare. Sipas tij kjo situatë nuk duhet të kalojë në heshtje. Bardhi i ka bërë thirrje Ramës që të përgjigjet për ministrat e tij dhe t’i lërë negociatat me Arben Ahmetajn.
“Kur të njoftoni që do shqyrtojmë kërkesën për ndryshim rendi dite do marrim fjalën për të diskutuar. Kam bërë një kërkesë procedurale, të pezullohet seanca, thirr përgjegjësin e dy aferave, të mos fshihet pas Rrajës dhe Ahmetajt dhe të japë llogari. Nuk mund ta kalojë në heshtje duke bërë sikur po zgjidh hallet e botës kur s’ka zgjidh hallet e korrupsionit parlamentar. Ka formuar një grup parlamentar në grup, nuk është përgjegjësi individuale e Ahmetajt, ka një përgjegjësi politike. Shoh Elisën që nge dorën, i sugjeroj të mos e marrë fjalën, se pastaj duhet të hyjmë tek përmbajtja e kërkesës që ka sjell SPAK. Të lërë kafet në zyrë dhe negociatat me Arben Ahmetajn pastaj kalojmë tek shqyrtimi i kërkesës”, tha Bardhi.