Pas miratimit të vendimit të qeverisë për konfiskimin e pronave pa vendim gjykate, qeveria ka nxjerrë një ligj të ri për objektet e konfiskuara. Nga shtatori i vitit të kaluar u konfiskuan me VKM gjatë një aksioni me regji disa ndërtime në Tiranë dhe bregdet që u konsideruan pa ose ne tejkalim te lejes së ndërtimit, ndërkohë që sot qeveria është kujtuar të prezantojë një ligj të ri në Parlament për këto objekte. Projektligji u prezantua nga zv. sekretarja e përgjithshme e këshillit të ministrave Elira Kokona.
“Synon pikërisht të mos cenohet zhvillimi i territorit në mënyrë të parregullt. Gjithashtu ne nuk e lëm dot mënjanë rregullimin e pasojave. Karabinat nuk mund të rrinë ashtu siç janë qeveria ka ndërmarrë një masë që do ndikojë pozitivisht. Në ligjin për disiplinimin e ndërtimit ka parashikuar edhe detyrimin e supervizorëve për të raportuar në mënyrë periodike pra pa arritur që të shkojë ndërtimi deri në karabinë brenda 45 ditëve mbikëqyrësit duhet të raportojnë sesi po zbatohet projekti”, tha Kokona.
Opozita e kundërshtoi projektligjin e ri për objektet e konfiskuara. Deputeti Agron Duka duke përmendur shembjen me tritol të “Prestige Resort” kërkoi të dinte se përse u përdorën dy standarde për këtë resort, ku hoteli u shemb me tritol dhe një pjesë tjetër e resortit u sekuestrua.
“Dua të di kur mendohet që të konfiskohet dhe kur prishet ju thatë që kur nuk ka mundësi prishje atëherë konfiskohet nuk duhet të ketë dhe raste të tilla të përshkruara në ligj kur një ndërtim është luksoz mund të përdoret për nevojat e bashkisë apo të tjerëve të konfiskohet dhe mos të prishet.P.SH ne patëm rastin e Prestige Resort gjithë ai hotel i cili mund të konfiskohet nuk po them nëse ka qenë pa leje OK por jo të prishet gjithë ai hotel. Këto ndoshta duhen përshtatur në ligj”, tha Duka.
Zv. sekretarja e përgjithshme e këshillit të ministrave Elira Kokona u justifikua duke u shprehur se shembja e “Prestige Resort” u bë për arsyen e ndërtimit të shëtitores në atë vijë bregdetare ndërkohë që i gjithë bregu i Golemit ka hotele dhe pallate me të njëjtën largësi ose më afër detit.
“Në rastin konkret ka ardhur për faktin sepse njëri objekt ishte në buzë të detit dhe binte ndesh me planet publike dhe binte ndesh me kalimin e një shëtitore e cila ishte e parashikuar në breg të detit dhe duke qenë se ky objekt ishte më pranë detit teknikisht ekspertët thanë që ky objekt prishet. NQS objektet e tjera do të ishin të mundshme për tu prishur do ishte institucioni teknik që do ta thoshte një gjë të tillë”, tha ajo.
Edhe deputetet e tjerë të opozitës kundërshtuan projektligjin.
“Ne do të miratojmë një pr.ligji sepse qeveria jonë ka qenë e paftë për të menaxhuar territorin dhe si rrjedhojë e kësaj paaftësie ne themi do të miratojmë një ligj si do të menaxhojmë objektet e konfiskuara kjo më duket anormale”, tha Lefter Gështenja.
“Faktikisht nëse i referohemi diskursit dhe angazhimeve të marr nga KM ne do të kishim syrin magjike ai që u hodh nga Florida i cili është sateliti dhe u pagua nga taksapaguesit shqiptar dhe që kryeministri e mbrojti me aq pathos do të ishte që me syrin magjik në janar nuk do të kishte me ndërtime pa leje në vetvete kolegët me të drejtë thonë që ky ligj nëse do funksiononte syri magjik t’i s’ke nevojë fare për këtë ligj sepse ai tha marr përsipër çdo javë do monitorohet territori shqiptar dhe s’ka më ndërtime pa leje”, tha Helidon Bushati.
