Sekretari i Përgjithshëm i Kombeve të Bashkuara Antonio Guterres tha se rreth 43,000 njerëz vdiqën si rezultat i konfliktit të armatosur në vitin 2022 dhe paralajmëroi se lufta po shkatërron jetë në mbarë botën.
“Vitin e kaluar, 94 për qind e viktimave në zonat e populluara ishin civilë. Numri i përgjithshëm i njerëzve të dëbuar nga shtëpitë e tyre për shkak të konfliktit, dhunës, shkeljeve të të drejtave të njeriut dhe persekutimit ka arritur në 100 milionë”, tha Guterres gjatë një takimi të Këshillit të Sigurimit të OKB-së për mbrojtjen e civilëve në konfliktet e armatosura, raporton Anadolia.
Siç tha ai, vitin e kaluar më shumë se 117 milionë njerëz u përballën me urinë akute kryesisht për shkak të luftës dhe pasigurisë.
“E vërteta e tmerrshme është se bota nuk po përmbush detyrimet e saj për të mbrojtur civilët, detyrime të përfshira në të drejtën ndërkombëtare humanitare”, tha Guterres.
Ai kërkoi që ata që kryejnë krime lufte të mbahen përgjegjës.